بتصيح بغير الأوان

ما أنت عارف ليش

أمة غرق في المنام

حلمها فرشاة أسنان

تحكي وتضحك وتلعب

وتشخر ليل ونهار

بتخاف تفكر وتصرخ

التهمة حزن الأرواح

فضلت الطبل والرقص

وكله بغني على ليلاه

قال يعني ربابة وعزف

بالعكس يا بشر النور

دربكة وهليلة وخبص

شاطر إلي بنزل للهز

حامل عصا وكرش

شعب محشش يأس

وأنا سكران دوم

بدون ما أشرب الكأس

يكفيني شبع الحرف

وهيني بكتب عطر

لناس مزكمة بالحق

لا بتشوف ولا بتعرف

غير المرور والكذب

حجاب مغطي الوجه

وقبعة فوق الرأس

ونظارات للشمس

والركب عريانة

وإحنا ناطرين

القلع والشلح

البحث عربي

بامتياز وصدق

بقلم: كرم الشبطي